• шейшемби, 7 бештин айы 2021
Погода

Комп

Мобилка

Планшет

Бишкекте органдарын алмаштырган бейтаптар митингге чыгышты

Бишкекте органдарын алмаштырган 30га чукул бейтап Саламаттыкты сактоо министрлигинин алдына митингге чыгышты. Алар иммуносупрессорлор же трансплантацияланган органдардын иштешин колдогон таблеткалар ушул жылдын май айынан бери Кыргызстанга алынып келинбей жатканына нааразы болушууда.

“Дарылар Түркия жана Европадан алынып келчү. Бирок азыр Орусиядан алып келүү боюнча келишим түзөбүз деп жатышат. Биз Орусия өндүргөн дарыларды алгыбыз келбейт. Анткени анын терс таасири көп жана биздин алмаштырылган органдарга терс таасирин тийгизет. Бул жерде биздин укугубуз бузулуп жатат”, – деди бейтаптардын бири.

Учурда бейтаптарды министрдин орун басары Жалалидин Рахматулаев кабыл алууда. Министрлик тендер улам жылып отуруп, дары алып келүү кечеңдеп жатканын белгилөөдө.

Кыргызстандагы бөйрөк кемтигинен жабыркагандардын көйгөйү гемодиализ жабдуусуна байланышкан. Өлкөдө трансплантация ишке ашпагандыктан бейтаптар 30-40 миң доллар топтоп, чет өлкөлөргө барып операция жасатууга мажбур болушат.

Понравилась статья? Поделись с друзьями: